Back Michiel de Ruyter Afrikaans ميشيل دي رويتر Arabic Міхіл Адрыянсан дэ Ройтэр Byelorussian Михил де Ройтер Bulgarian Michiel de Ruyter Catalan میشێل دێ ڕۆیتەر CKB Michiel de Ruyter Czech Michiel de Ruyter Danish Michiel de Ruyter German Michiel de Ruyter English
Michiel Adriaenszoon de Ruyter (Vlissingen, 24 a viz Meurzh 1607 - pleg-mor Siracusa, 29 a viz Ebrel 1676) a oa un amiral eus an Izelvroioù.
Unan eus brudetañ amiraled istor an Izelvroioù eo Michiel de Ruyter. A-drugarez dezhañ e voe trec'h morlu an Izelvroioù en emgannoù war vor, meur a wech, e-pad ar Brezelioù etre Bro-Saoz hag an Izelvroioù, er XVIIvet kantved. Kemer a reas perzh ivez e meur a daol-brezel er Mor Baltel hag er Mor Kreizdouar, a-enep morlaeron. Ouzhpenn labourat e servij morlu an Izelvroioù en devoe tro ivez da vezañ e servij paramantourien brevez hag e-pad ur pennadig zoken e voe o valumeta war e gont.
Gloazet e voe e-pad emgann Agosta, etre morlu an Izelvroioù ha morlu Bro-C'hall, dirak aodoù Sikilia, ha mervel a reas un nebeud devezhioù diwezhatoc'h, d'an 29 a viz Ebrel 1676.
